Policia zhvilloi një fushatë vetëdijesuese kundër zjarreve në Gjilan

15:54 | 28 Qershor 2024
K.B

Policia e Kosovës ka realizuar aktivitet në qytetin e Gjilanit dhe disa fshatra të komunës së Gjilanit me qëllim të parandalimit të zjarreve.

Policia njofton se janë zhvilluar takime me përfaqësues të lagjeve, fshatrave dhe qytetar duke i njoftuar për pasojat dhe rrezikun nga zjarret, masat ligjore ndaj personave që shkaktojnë zjarre dhe rëndësinë e ruajtjes së ambientit.

Në njoftimin nga policia bëhet e ditur se janë shpërndarë edhe broshura me këshilla përcjellëse për qytetarët.

“Drejtoria rajonale e Policisë në Gjilan u bënë thirrje të gjithë qytetarëve që nëse vëreni një zjarr që po përhapet jashtë kontrollit, ju lutemi thirrni menjëherë në numrat pa pagese 192 ose 112. Përmes bashkëpunimit dhe ndërgjegjësimit të përbashkët, mundë të sigurojmë ruajtjen e natyrës dhe shëndet”, ka apeluar policia për qytetarët./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm